Dagens bilete

Etter ein koseleg dag med grilling i fjøra og biltur med Kristina bestemte eg med for å ta bilen og kamera med til Bondalseidet det eg hadde sett mykje fin tåke då vi køyrde forbi. Stativet hadde pappa sjølvsagt gøymt godt, så det tok eg ikkje med.

Klokka var litt over 2, og det begynte å bli litt lysare, så eg måtte skunde meg for å få noko pent. Først fann eg ingenting, berre skog, myrull og rare spindelvev. Så eg bestemte meg for å køyre litt vidare, men etter berre ca 200-300 meter fann eg skodda, så eg snudde og la på sprang. Om du har sett skodde på nært hald tidlegare forstår du kvifor eg sprang. Skodda dansa på tjønnet, rundt busker og kratt, i små groper. No veit eg kvar alle folkeeventyra om vetter og troll kjem i frå, det var rett og slett vakkert. Sjølvsagt var opplevinga betre enn bileta då eg kom heim, skulle heller vore filmfotograf og fått med meg dansen. Men å jakte på skodde var gøy nok i seg sjølv.


Utsikta mot Bondalen