Nordic Light og slikt

Har endeleg vore på Nordig Light, frå torsdag til laurdag kosa vi oss i Kristiansund med MANGE andre fotografar. Drøyaste var vel han med den sværaste torsken i handa og digert digitalt hasselblad på ryggen, sjølve fyren var svær også. Og så var han svæært hyggeleg!

Elevar ved Norsk Fotofagskole kan verkeleg å feste btw. Legg ved bilete av Jacob, Håkon og Espen som dansar halvnakne rundt bålet ;)


Håkon er som alltid ON FIRE!

Blir sikkert fleire bilete når Håkon gir meg resten. "Alle" tok bilete med 5D mr2 til håkon, med 50mm til pappa, perfect match! Det blei faktisk heile 1900 bilete frå dei tre dagane vi var der, tok to dagar å sjå gjennom alle! (ikkje to dagar i strekk, ingen orkar vel det)

Vi var så fattige at vi sov bak i bilen. Følte meg ganske så "trailor trash" når vi satt halvvåkne bak i bilen med luka oppe medan massevis av bunadkledde konfirmasjonsgjestar gjekk forbi oss. Dei prøvde hardt å ikkje stirre, vi berre lo! Lufta soveposane over parkeringsskilt og smørte niste på parkeringsplassen, lånte dusjen til folk som hadde hytte, men i tillegg køyrte vi (Håkon) rundt folk med bilen.

No har eg faktisk fått tak i sommerjobb som eg kan fortsette med utover hausten! Kjempehyggeleg intervju på ein heil time, og eg klarte å imponere dama så mykje at eg fekk jobben ein time etterpå! Tok berre tre intervju før eg fekk ein jobb (har eigentleg to no så..). Skulle berre ønske eg kunne starte no (noko dei gjerne vil at eg skal) men eg har ikkje tid til å ta fri tre dagar som ikkje er i ei helg før i juni. Og no må eg flytte ut også om eg skal kunne ta frukostvaktene på hotellet. Desverre er det vanskeleg å finne hybel på ila til rett pris som blir ledig i juli som ikkje krever kjempestort depositum. ARG!

Skal ta bilete på Hell Hotel på torsdag, innlevering på fredag, trur det også blir eksamen på fredag! IIK!